Британската принцеза Кејт Мидлтон испрати писмо со извинување до ирската гарда, чиј полковник е токму таа, поради пропуштањето на денешната воена парада додека се бори со ракот.
„Голема чест е да се биде ваш полковник. Многу ми е жал што нема да бидам присутна“, напиша принцезата во писмото до командантот на ирската гарда, додавајќи дека се надева дека ќе се врати „многу брзо“.
Кејт го замолила и да му го пренесе нејзиното извинување на целата гарда, пренесува Ројтерс. Парадата на ирската гарда се одржува една недела пред Trooping of the Colour, со кој официјално се одбележува роденденот на британскиот монарх.
Кејт во март објави дека по операцијата на абдоменот во јануари ѝ бил дијагностициран рак и дека моментално е на хемотерапија.
