Драмата по хаосот и дисквалификацијата на Холандија не престанува, а дополнителен хаос настана откако Грција, Ирска и Швајцарија не се појавија на денешната проба.
Сега претставничката на Ирска со уметничко име Бамби (Bambie Thug) се огласи во пресрет на финалето на Евровизија и откри што се случува зад сцената.
Многумина беа заинтригирани од објавата, а некои дури се посомневаа дека Ирска ќе се повлече од натпреварувањето поради се што се случуваше и поради зборовите „Се надевам дека ќе се видиме на сцената“.
– ЕБУ сериозно ја сфати ситуацијата и разговараме што да правиме. Тоа значи дека ја пропуштив генералната проба. Жал ми е за фановите кои дојдоа да ме видат. Се надевам дека ќе се видиме вечерва на сцена – напиша Бамби.
Скандалот околу Евровизија по дисквалификацијата на Холандија поради однесувањето на прес-конференцијата и бојкотот на Израел не престанува, а коментарите на фановите на Евровизија само продолжуваат.
Масовни протести се организираат низ цел Малме, градот во кој се одржува Евровизија, а многу новинари се повлекоа и нема да известуваат од финалето.
