Закажани се две изведби на театарската претстава „Спасени“ – денес и утре во Младинскиот културен центар, со почеток од 20:00 часот. Претставата е во режија на Дамјан Костовски, по текст на Томислав Зајец.
„Спасени“ зборува за осаменоста на луѓето во ова сурово и цинично време. Специфичната фрагментарна драматургија на текстот, едноставниот јазик и суптилата духовитост се фундаментот на оваа претстава, а преку брзиот ритам и динамичното темпо како сложувалка се открива приказната на десетте ликови, кои по некоја „случајност“ се наоѓаат заедно на ова патување. Несреќата со возот го менува светогледот на преживеаните патници и нивниот однос кон животот се редефинира и добива една сосема нова смисла.
играат: Владимир Петровиќ, Горан Ников, Мирјана Трпковска, Хари Михајловски, Ања Митиќ, Јоанис Далајоргос, Елена Кузманов, Антонио Ташковски, Васко Костовски, Кире Ацевски
сценографија, костимографија и дизајн на плакат: Милка Черепналковска, Екатерина Николовска, Екатерина Добривојевска
композитор: Бојан Филиповски
извршен продуцент: Батухан Ибрахим
технички соработник: Дамјан Ѓорѓиев
Билетите по цена од 300 денари се достапни на билетарница во МКЦ или онлајн преку bileti.mkc.mk
