Водителката Јована Јеремиќ веќе извесно време ужива во љубовта со боксерот Милош Стојановиќ Тигар, но досега јавно не зборуваше за нивната врска. Сепак, сега ги изненади сите со најновата одлука.
Јована најави дека токму него ќе го угости во Утринската програма, а тоа воедно ќе биде и нивното прво заедничко јавно појавување.
„Очи в очи, првпат: Тигар против Јована Јеремиќ“, напиша таа.
Јована Јеремиќ најави соочување со Тигар
Да потсетиме, момчето на Јована Јеремиќ извесно време живеело во Америка, а денес е сопственик на хотел во Црна Гора.
„Боксот е благородна вештина, во која човек мора да биде психички и физички подготвен и сите одиме кон победа. Колку противникот е покрупен, толку ми е полесно да го победам – полесна е цел и има послаби рефлекси. Не сум поразен, во кариерата имам само победи. Како помлад организирав турнири во „ultimate fight“ во чест на мојот татко Миодраг Гидра Стојановиќ. Го промовирав боксот на просторите на Србија и Црна Гора. Следната година планирам да се борам за некоја титула“, започна разговорот Милош, а потоа призна дека тоа што е син на прославен боксер не е единствената причина поради која се занимава со овој спорт.
