Телевизиската водителка Јована Јеремиќ повторно го привлече вниманието на јавноста со своето образование и академските успеси. Таа често истакнува дека дипломирала на Правниот факултет при Универзитетот во Белград, а овојпат објави и документи со кои ги покажа оценките што ги постигнала за време на студирањето.
Јована сподели дека основните студии ги завршила со просечна оценка 9,34, додека на магистерските студии постигнала просек од 9,25. Притоа, не ги криеше емоциите додека се присетуваше на годините поминати на факултет и на трудот што го вложила за да стигне до дипломата.
„Колку спомени будат овие дипломи, колку солзи, мозолчиња и потење имаше“, изјави водителката додека ја покажуваше дипломата од основните студии.
Освен дипломите и оценките, Јована на својот профил на Инстаграм ја објави и својата професионална биографија. Во неа навела дека се служи со пет јазици: српски, босански, хрватски, шпански и англиски.
Водителката е позната по своите остри ставови кога станува збор за образованието, а овојпат повторно ја отвори и темата за разликите меѓу државните и приватните високообразовни установи.
Јована не ја пропуштила можноста да ги искоментира оние што, според неа, се претставуваат како интелектуалци, но не сакаат јавно да кажат на кој факултет дипломирале.
„Сакам да ги нервирам квази интелектуалците затоа што тие имаат дипломи од приватни факултети и се срамат да го кажат тоа. Јас сум прва што мавта со диплома од државен факултет и ќе мавтам до смрт. И тие би мавтале кога би имале со што. Во тоа е проблемот, со диплома од приватен факултет не се мавта, туку само со диплома од државен“, изјави Јована.
Со ова таа уште еднаш покажа дека отворено ја поддржува идејата за поголемо вреднување на државното високо образование, а нејзината изјава повторно ја разгоре вечната дебата за квалитетот и угледот на приватните и државните факултети.
Покрај образованието и професионалните планови, водителката зборуваше и за своите финансиски амбиции, откривајќи дека има уште една важна цел што сака да ја оствари кога станува збор за недвижностите.
„Си поставив материјални цели. Имам уште една цел што сакам да ја остварам и сега тоа ми е најважно. Овој стан е многу убав, знаете дека сакам да бидам тука, но имам уште една цел кога станува збор за недвижностите и сега работам на тоа да ја остварам“, откри таа.
