Јелена Карлеуша гостуваше во македонски подкаст, каде меѓу другото зборуваше и за разводот со Душко Тошиќ, но и за аферата со Огњен Врањеш, кого го нарече „монструм“.
Карлеуша овие денови престојува во Македонија каде на 19 октомври ќе има свој голем солистички концерт во Скопје.
Таа гостуваше во поткаст каде зборуваше и за разводот од Тошиќ, но и за љубовната афера со Огњен Врањеш.
„Јас ни првиот ни вториот маж не сум го видела на развод. Ги видов само нивните адвокати. Секогаш сум се појавувала на развод, но моите сопрузи не се појавуваа, туку адвокати. Можеби не можат да ме погледнат во очи. Кога станува збор за Душко, мислам дека јас направив се за 17-годишната врска, брак и семејство не се фрли во вода. А тој направи се за да ми покаже и докаже спротивно. И колку и јас да се трудев тоа да не се распадне, Душко беше тој кој сакаше да се разведе и да се растури нашето семејство. Не можеше да се носи со притисокот на се она што медиумите ни го правеа нам и на мене. Зошто ние да бидеме сега во добри односи? Требаше да се труди да бидеме во добри односи додека бевме во брак. Требаше да се труди да се бори за ваква жена, но не можеш ти никого да натераш да те сака, и на сила да биде во брак. Не можеш никого да натераш да не излегува и да не пие, да биде верен – вели Карлеуша.
Потоа се осврна на неверството.
„Верувам дека жената изневерува само кога е незадоволна, несреќна и кога од маж не го добива она што всушност го бара. А жената бара само љубов и почит. Кога нема љубов, може некако, но кога нема почит, воопшто не може. За жал, издржав најголем притисок и ми се случи голем хорор. Бев многу осамена и несреќна во тој брак, но дојдоа децата и направив многу жртви. На сето тоа го предупредив Душко, дека ќе зажали и дека ќе му се одмаздам, но тој не ме сфати сериозно. Првиот пат кога сакав да му се одмаздам, се случи катастрофа. Човекот со кој сакав да му се одмаздам за моето лично незадоволство направи скриншот од видео од Фејстајм, затоа што се гледавме така, без јас да знам. Ме уценуваше со тие слики и видеа и ме замоли да се разведам. Не е ни важно како се вика, не заслужил ни да го именувам. Тоа не е човек, тоа е монструм. Не се согласив со таа уцена и тој ги испрати до сите медиуми. Верував дека тоа не може да се случи, но погрешно проценив, бидејќи мислев дека нормален маж нема да го направи тоа за себе, не за мене. Човек прави грешки. Тоа беше особено тешка ситуација за мене бидејќи мајка ми умираше во тој момент. Дури и на тој монструм, кој ме уценуваше со тој материјал, му реков да не го прави тоа, бидејќи имам две ќерки кои тогаш беа многу мали и одеа на училиште и имам болна мајка која умира. Не го интересираше тоа. Не само што не ме послуша, туку подобро да пукаше во мене. Тоа може да го направи само бездушен човек кој го заслужува најлошото. Мислам дека некоја карма на таквите луѓе ќе им го даде она што го заслужуваат. Последното нешто што мајка ми го виде беа тие слики, а потоа умре. После тоа веќе не беше ни важно – изјави Карлеуша во подкастот на Лазаров.
Понатаму, Јелена призна дека е моментно вљубена ама не во Бака Прасе.
„Да, вљубена сум. Не е важно во кого, но никако во Бака. Тој е фин дечко, сигурно ќе се смири со својата девојка. Прасе тогаш беше толку пијан што и да сакавме да бидеме заедно, тој не знаеше каде е“, рече Јелена.
