Пејачката Јелена Карлеуша објави на социјалната мрежа Икс дека нејзиниот нов албум ќе носи наслов „Енигма“ и дека речиси целосно ги променила своите досегашни соработници.
По оваа објава, обожавателите ѝ поставија низа прашања, меѓу кои и дали на новите песни работи раперката Мими Мерцедез. Карлеуша кратко одговори: „Не сакаше“.
Во јавноста потоа се прошири информација дека меѓу новите соработници е и познатата хитмејкерка Љиљана Јорговановиќ, што таа и го потврди за српски „Курир“.
„Да, работам со Јелена. Има уште многу работа, не е сè готово, но точно е дека сум вклучена во дел од песните“.
Карлеуша за „Курир“ објасни зошто се одлучила на ваков потег.
„Точно е дека ги сменив сите стари соработници, пред сè продуцентите. Сега работам со Дамир Хандановиќ и Немања Антониќ, а текстописци се Љиљана Јорговановиќ, Томица и Јована. Старите соработници, за жал, решија да ја мешаат политиката со музиката и се вклучија во разни ‘блокади на народот’, па не можевме да најдеме заеднички јазик. Но тоа е нивна одлука. Албумот ќе биде промовиран на телевизија „Пинк“ на различни начини, кои засега нема да ги откривам. Србија ќе добие многу убави изненадувања кога станува збор за мене“, изјави таа.
Раперката Милена Јанковиќ, позната како Мими Мерцедез, не била достапна за коментар. Од нејзината прес-служба за „Курир“ изјавиле дека таа моментално е во „медиумска илегала“ и дека во тој период одбила да пишува песни за повеќе популарни изведувачи, бидејќи сакала да се фокусира на сопствената музика.
