Атина Тошиќ, ќерката на Јелена Карлеуша и Душко Тошиќ, неодамна заврши средно училиште, а пред неа е важна одлука – каде ќе го продолжи образованието. Карлеуша откри кој факултет сака да го запише нејзината постара ќерка, но и зошто смета дека најдобро би било да остане да студира во Србија.
– Засега тоа е моден дизајн, но ќе видиме дали ќе студира во земјава или во странство. Јас сметам дека треба да остане во Србија. Таа има одреден страв поради сè што се случуваше – изјави таа за „Србија данас“.
Карлеуша се осврна и на претстојното полнолетство на својата ќерка, кое семејството ќе го прослави во септември. Притоа откри дека Атина немала никакви посебни желби кога станува збор за роденденски подарок.
– Нејзиното полнолетство е во септември, а истиот ден Ника го слави својот 17. роденден. Атина не побара ништо од мене, многу е скромна. Пресреќна сум што моите девојчиња растат. Таков е животот – искрено рече пејачката.
