Пејачката Јелена Карлеуша повторно привлече големо внимание на социјалните мрежи, откако овој пат објави листа на изведувачи чии концерти би сакала да ги посети.
Карлеуша на својот профил на мрежата „Икс“ без задршка набројала домашни и странски музички имиња кои, како што навела, приватно ги слуша, што изненадило дел од јавноста.
На листата се најдоа: Стоја, Индира, Дејан Врана, Адил, Ади Шоше, Амар Гиле, како и дуото „Јала & Буба“, а меѓу нив ја спомена и Александра Пријовиќ („Прија“).
Покрај нив, таа навела и светски музички ѕвезди како Лејди Гага, Је (Канје Вест), Дино Мерлин, 6ix9ine и Ники Минаж.
Објавата веднаш предизвика бројни реакции и коментари на интернет, при што дел од публиката беше изненадена од изборот на изведувачи, особено поради тоа што дел од нив претходно биле поврзувани со медиумски несогласувања со пејачката.
И покрај различните реакции, дел од коментаторите оценија дека со ова Карлеуша покажува отвореност кон различни музички жанрови и дека знае да препознае добар сценски настап без оглед на личните односи.
