Пејачката Јелена Карлеуша со години ја интригира јавноста со својот приватен живот. Каде излегува, со кого се дружи, дали има емотивен партнер – многумина сакаат да знаат.
А пејачката, која неодамна ја воодушеви публиката со својот стајлинг во емисијата „Ѕвездите на Пинк“, сега откри каква е всушност кога е вљубена.
За време на гостувањето во една емисија, на прашањето на водителката дали станува љубоморна во љубовните врски, Карлеуша одговори на свој препознатлив, директен начин:
„Не би го нарекла тоа љубомора, тоа е болест. Јас сум болна во љубомора, како што сум болна и во љубов. Немам мера во ништо. На пример, кога сакам да се испрскам со парфем, се прскам додека не ми се слоши, додека не ми дојде мигрена“, изјави Јелена Карлеуша и додаде дека сè што прави, го прави од љубов.
„Кога сум љубоморна, веројатно ќе ти се заканам со убиство, но тоа сум јас. Тоа е затоа што те сакам. Те сакам толку многу што си давам право и да ти се заканам со убиство“, заклучи таа низ смеа.
