Министерот за внатрешни работи Ивица Дачиќ откри зошто хрватската пејачка Северина Вучковиќ била приведена на границата меѓу Хрватска и Србија синоќа на 25 август.
Дачиќ потврди дека хрватската пејачка Северина била приведена од граничната полиција на границата со Хрватска, врз основа на списоци на „вербални прекршоци“, пренесуваат српските медиуми.
„Северина не е ни приведена ниту уапсена, ниту пак ѝ е одбиен влез за Србија, но е задржана поради контрола“ – рече Дачиќ.
Како што пренесува српски Телеграф, тој најавил дека ќе побара „укинување на списоците кога се вербални деликти во прашање“.
„Србија е слободна земја и кај нас нема вербален деликт, на тие списоци ќе останат луѓето кои вршат криминал, тероризам и кривични дела. Но, не дозволуваме другите да ни држат лекции, особено Хрватска“ – вели Дачиќ и додава дека „некој бил задржан на граница само два-три часа“.
„Честопати се наоѓаме во ситуација кога има критики за нашата земја од соседите, па човек просто мора да каже „немој само да ни држите лекции“. Мислам, не знам, дали треба да воведеме и музичка полиција?!“, изјави Дачиќ во гостувањето на српски ТВ Пинк, пренесуваат српските медиуми.
