Завчера во судницата во Белград заврши рочиштето за случајот против сопственикот на актерската школа Мирослав Алексиќ.
Сведочеше актерката Милена Радуловиќ, која претходно поднесе кривична пријава против Алексиќ за силување и сексуално вознемирување.
Но и моделката и водителка Данијела Димитровска утрово за прв пат во емисијата „Утро на Блиц“ откри дека во тоа време доживеала голема непријатност на кастингот за прием во школата на Алексиќ.
– Имав можност да одам на еден кастинг во споменатата школа на 17 години. Не инсинуирам дека се случило нешто слично, но пристапот беше многу непријатен – изјави Даниела.
По тој кастинг, таа одлучила никогаш да не се врати во таа школа.
– Се сеќавам дека излегов, татко ми ме чекаше пред врата, му реков – не ми се допаѓа ова, не ми се допаѓа како луѓето комуницираат со нас на кастингот и не сакам да дојдам повторно овде. Затоа би сакала сега да ви се заблагодарам овде и да им порачам на сите девојки, момчиња, жени и мажи да ги следат нивните чувства и да гледаат на Милена како на хероина и на сите овие девојки на 21 век и ете, на овој начин да им пружиме поддршка – додаде Димитровска.
