Папата Франциск одговара на долгото интервју за аргентинската агенција Телам давајќи јасни концепти за тешките актуелни настани што не опкружуваат. Пред сè, војната во Украина: „Војната, за жал, е суровост секој ден. Во војна не се игра менует, туку се убива. И постои цела структура за продажба на оружје што ја фаворизира војната“, вели папата. „Некој експерт за статистика ми рече, не се сеќавам на бројките, дека ако не се произведува оружје една година, нема да има глад во светот“, и потоа додава дека е време да се преиспита концептот „праведна војна“.
„Војната е недостаток на дијалог“
Во интервјуто со Бернарда Љоренте, папата вели дека употребата и поседувањето нуклеарно оружје е неморално.
„Решавањето на работите со војна значи да се каже не на капацитетот за дијалог’, смета тој и додава дека капацитетот за дијалог е многу важен. „Не знаеме како да се слушаме, не дозволуваме другиот да го каже своето, мораме да слушаме за да бидеме слушнати, прво објавуваме војна, односно го прекинуваме дијалогот. Затоа што војната во суштина е недостаток на дијалог“.
🇻🇦 🇦🇷 ENTREVISTA EXCLUSIVA AL PAPA
Bernarda Llorente (@bernardallorent), presidenta de Télam, en una charla mano a mano en el Vaticano con Francisco (@Pontifex_es)
🖱️ Este viernes, en https://t.co/Uui0LVqGGq pic.twitter.com/MGraZktC0d
— Agencia Télam (@AgenciaTelam) June 29, 2022
Медиумите манипулираа со моите зборови за Путин
„Имаше цела полемика околу една моја изјава во едно списание: Јас реков дека „тука нема ниту добри ниту лоши“ и објаснив зошто. Но тие ја зедоа оваа изјава и рекоа : „Папата не го осудува Путин!“ „Реалноста – објаснува папата- е дека воената состојба е нешто многу поуниверзално, посериозно и дека нема добро и лошо. Сите сме вклучени и тоа е она што мора да го сфатиме“.
Потоа, одговарајќи на прашањето за „гревовите на комуникацијата“, папата се сеќава: „Прв пат го кажав тоа на конференција во Буенос Аирес кога бев надбискуп. Ми падна на памет да зборувам за четирите гревови на комуникацијата, на новинарството“. Прво, “дезинформација: кажувам што ми одговара и молчам за останатите. Не, кажи се, не можеш да дезинформираш”. Второ, “клевети. Измислуваат работи и понекогаш уништуваат човек со комуникација”. Трето, „клевета, која не е клевета, туку е како да му се припишува на некој мисла што ја имал во некое друго време и која сега се променила. Како на возрасен да му ги дале валканите пелени од кога си дете. Бев дете и така мислев. Тој се промени, сега е поинаков“. „И за четвртиот грев – додава тој – го употребив техничкиот збор „копрофилија“, тоа е љубовта кон изметот, љубовта кон нечистотијата. Односно, обидот за калење, барањето скандал заради скандалот“ .
ОН немоќни пред војната
„По Втората светска војна имаше многу надеж во Обединетите нации“, изјави папата за Телам. „Не сакам да навредувам, знам дека има одлични луѓе кои работат, но на оваа точка немаат моќ да се наметнат. „Тие помагаат да се избегнат војни, амислам на Кипар, каде што има аргентински војници, но да се запре војната, да се реши ситуација на конфликт како овој што го доживуваме денес во Европа или како оние кои се искусени во другите делови на светот, не, тие немаат моќ. Без навреда.“.
Одговарајќи на прашањето дали се смени моќта во светот и тежината на некои институции, папата подвлекува дека „има некои достојни институции кои се во криза или уште полошо се во конфликт“. „Оние во криза ми даваат надеж за можен напредок. Но, оние кои се во конфликт се посветени на решавање на внатрешните прашања. „Во овој момент ни треба храброст и креативност – предупредува папата -. Без овие два елементи, нема да имаме меѓународни институции кои можат да ни помогнат да ги надминеме овие многу сериозни конфликти, овие ситуации на смрт“.
„Во Европа, популизмот доведе до фашизам и нацизам“
„Во Европа имаат многу тажно искуство со популизмот. Штотуку излезе книга „Синдром 1933“, која покажува како се генерирал популизмот на Хитлер. Затоа сакам да кажам: да не го мешаме популизмот со популаризмот“. „Популаризам, објаснува папата, е кога народот продолжува со својата работа, ги искажува своите мисли во дијалог и е суверен. Популизмот е идеологија што ги обединува луѓето, која се обидува да ги групира во една насока“.
