Александра Шијакоска една од најпознатите македонски инфлуенсерки по дијагностицирањето на подмолната болест, тумор на главата, реши јавно да ја бие битката.
Откако на Инстаграм ги информираше фановите дека операцијата завршила добро и дека е пуштена од болница, вчера објави дека опоравувањето не оди по планот и дека доживува потешкотии во тешката борба со болеста.
„Многу ми е тешко да се навикнам на новата беспомошна и психички нестабилна јас. Никако не можам да ја прифатам оваа ситуација. Ме боли душата. Празна ми е. Како огромна дупка. Ќе го чекам тој сончев среќен и убав ден со последните сили ако треба. Ќе чекам“, напиша вчера Шијакоска.
Јавноста со огромна поддршка реагира на секоја објава на Шијакоска и ѝ дава безрезервна поддршка.
