Пејачката Индира Арадиновиќ – Инди, позната по своите смели изјави и бурен приватен живот, повторно предизвика лавина реакции откако во една телевизиска емисија откри дека како тинејџерка имала врска со значително постар маж, постар дури и од нејзиниот татко.
„Имав постари партнери и бев многу среќна и заљубена. Еден од нив беше неколку години постар од мојот татко. Ми пријаше неговата зрелост“, откри Инди, додавајќи дека во тоа време имала 19 години.
Изјавата следеше откако нејзината колешка Вера Матовиќ во емисијата „Магазин Ин“ изјави дека „спиењето со татко или дедо е тажно и грдо“, но Инди не се сложи со тој став и јавно застана во одбрана на љубовта меѓу постари и помлади партнери.
Нејзиното признание предизвика бурни дискусии и во студиото и на социјалните мрежи, каде што дел од јавноста ја поддржа за искреноста, додека други ја осудија поради провокативниот став.
Ова не е првпат Инди да ги крене медиумите на нозе. Пред неколку месеци таа изјави дека „понекогаш жените мора да бидат љубовници за да созреат“, што исто така предизвика остри реакции во јавноста.
Пејачката, која со години живее под лупа на јавноста, во минатото беше во краток брак со бизнисмен од Данска. Бракот траеше само пет месеци, а Инди тогаш објави дека љубовта „не била вистинска“.
„Од денес официјално сум разведена. Тоа не значи дека нашата љубов не беше голема, но тој ја искриви оној ден кога го потпиша разводот – напиша таа на социјалните мрежи, додавајќи дека „го излажал и матичарот и себе дека ќе биде покрај неа и во добро и во зло“.
