Пејачката се обидува да ги игнорира гласините за себе. Лејди Гага летово ја потврди свршувачката со своето момче Мајкл Полански. Тие се во врска околу четири години.
Американската пејачка и текстописец Лејди Гага (вистинско име Стефани Германота) во новата серија на Нетфликс „Што е следно? Иднината со Бил Гејтс“ проговори за малтретирањето во раните години од нејзината кариера, пренесува Дејли Меил.
38-годишната ѕвезда, во втората епизода од серијата, во разговор со 68-годишниот основач на технолошка компанија, милијардер и филантроп, сподели како реагирала на гласините дека е маж.
Според Гага, не ѝ пречеле разговорите за нејзиниот пол бидејќи била „навикната да се печатат лаги за неа“. Според нејзиното мислење, овие гласини се мали во споредба со малтретирањето и навредите што ги претрпеле другите луѓе, не толку познати како неа, поради нивниот пол и сексуална ориентација. Гласините дека Гага наводно е маж се појавија уште во 2010 година, откако таа ја претстави својата шокантна фотографија, која стана вирална на Интернет.
View this post on Instagram
„Кога имав рани 20 години, се шушкаше дека сум маж. Патував низ целиот свет. Отидов на турнеја и да ги промовирам моите плочи, и речиси во секое интервју во кое учествував ме прашуваа: Има гласини дека сте маж. Што можете да кажете за ова?“, сподели Гага со Гејтс. Но, Гага реши да ги игнорира глупавите прашања и не прифаќаше такви навреди.
„Причината поради која не одговорив на прашањата е затоа што не се чувствував како жртва на овие лаги… Навикната сум да се печатат лаги за мене од мојата 20-та година. Јас сум уметница. Мислам дека е малку смешно тоа“, објасни таа.
Лејди Гага неодамна ја потврди свршувачката со своето долгогодишно момче, 46-годишниот бизнисмен Мајкл Полански. Тие се во врска околу четири години.
