Љубовната приказна на познатиот холивудски пар е полуда од сите филмови во кои играле.
Иако долготрајните и искрени љубови се ретки во Холивуд, а браковите кои траат повеќе од 10 години можат да се избројат на прсти, има и такви од чиј пример многумина би можеле да научат многу. Миленикот на жените Кевин Бејкон и неговата сопруга Кира Сеџвик неодамна ја прославија 35-годишнината од бракот, а познатиот актер никогаш не криел колку е среќен што ја запознал Кира.
Да потсетиме дека Бејкон е роден на 8 јули 1958 година во Филаделфија, Пенсилванија. Неговиот татко, Едмунд Бејкон, бил познат урбан-планер, додека неговата мајка Рут била учителка.
Уште од мали нозе пројавува интерес за глума, а по завршувањето на средното училиште се преселил во Њујорк за да студира драма во престижното училиште „Circle Theater“. Неговата прва голема улога беше во филмот „Анимал хаус“ (1978), но неговиот пробив дојде со улогата во филмот „Footloose“ (1984), каде што играше бунтовен тинејџер, што му донесе светска слава.
По овој филм, тој редеше хит по хит, како „Неколку добри мажи“ (1992), „Аполо 13“ (1995), „Мистична река“ (2003) и многу други. Неговата способност да прикажува различни улоги, од херои до негативци, го направи еден од најпочитуваните актери на неговата генерација.
Покрај актерството, Бејкон е и страстен музичар. Тој и неговиот брат Мајкл го формираа бендот „The Bacon Brothers“, кој комбинира рок, фолк и кантри музика.
View this post on Instagram
Сепак, глумата остана неговата најголема љубов, но и нешто што му донесе соработка со Кира Сеџвик кога работеа на филмот „Lemon Sky“.
Мора да се признае, нивните патишта за прв пат се вкрстиле кога Сеџвик во 1977 година имала само 12 години, а тогаш рекла, дека „Бејкон ми е многу симпатичен“. Кој би помислил дека се ќе се смени за само 10 години.
View this post on Instagram
Веднаш заблескале искри, и брзо влегле во врска, а потоа се венчале во 1988 година. Актерот секогаш со гордост истакнувал дека Кира и нивното семејство биле неговата главна поддршка во тешките моменти.
-Времето кога бев на самото дно е времето кога ја запознав сопругата, кога се родија нашите деца, се случуваа убави работи. И можев да се издржам, тоа ми даде сила – изјави Бејкон во едно интервју. Ниту Кира не штедеше комплименти за својот сопруг.
View this post on Instagram
„Некој да ми кажеше дека на 22 години ќе го запознаам мажот за кого ќе се омажам и дека ќе имам деца со него, би му рекла дека е луд“ – вели Кира.
Една година по венчавката парот го доби синот Травис, а во 1992 година стигна и ќерката Соси Рут.
View this post on Instagram
Тоа што го направило нивниот брак успешен, за разлика од другите холивудски бракови, Кира објаснила дека е во тоа што си ветиле дека нема да се напуштат без разлика какви проблеми ќе ги снајдат, но и дека бракот ќе им биде приоритет, со тоа што редовно имале романтични состаноци само двајцата.
-Таа е љубовта на мојот живот, веднаш го знаев тоа – призна Кевин.
View this post on Instagram
Сепак, актерот не можеше ниту да сонува дека со сопругата е поврзан не само со длабоки и искрени емоции, туку и на друго ниво.
Имено, Бејкон во 2011 година учествуваше со сопругата во шоуто „Во потрага по корени“, кога анализите покажаа дека Кевин и Кира се братучеди, по деветто колено, односно дека неговата сопруга му е роднина. Кира тогаш тврдеше дека тоа не е големо изненадување за неа како што некој би помислил.
„Се е во ред додека не сме најблиски роднини“, изјави тогаш Кира.
