Пејачката Илда Шаулиќ откри како семејството Шаулиќ го поминува Божик по заминувањето на Шабан Шаулиќ. Иако празниците носат посебна емоционална тежина, Илда нагласува дека се трудат да ја зачуваат радоста и топлината, бидејќи тоа би го сакал нејзиниот татко.
„Божик кај нас секогаш носи таа топлина поради која се заборава сè останато. Тоа е ден кога домот се исполнува со мир, мириси на домашна храна и тивки разговори. Нема брзање, нема бучава само семејство, благодарност и чувство дека сме тука едни за други“, вели Илда.
Семејството се држи до едноставни обичаи како кршење на погачата и заеднички ручек, бидејќи во нив, како што вели таа, лежи суштината на празникот.
„Празниците се секако поинакви и носат посебна тежина. Недостасува, секако, но се трудиме Божик и понатаму да биде ден на радост, бидејќи знам дека тој тоа би го сакал. Во тие моменти најмногу го чувствувам преку сеќавањата, преку тишината, но и преку љубовта што ја остави зад себе“, истакна Илда.
Од татко наследила скромност
Илда верува дека од татко ѝ наследила скромност и убав однос кон луѓето.
„Секогаш велеше дека човек вреди колку што е добар кон другите, и тоа се трудам да го следам“, рече Илда.
Говорејќи за естрадата, Илда истакна дека постојат и пријателства и ривалства, но дека верува во искреност и почитување.
„Не се натпреварувам, секој има свој пат и своја публика. Успехот не трае засекогаш ако немаш човечност. Публиката ја препознава вистината, а кариерата се гради не само со гласот, туку и со карактерот.“
