После Втората светска војна на Германците не им било дозволено да играат, ниту на Јапонците и Италијанците, мислам дека таквиот потег ќе докаже дека руската влада греши, изјави тенисерката Ига Швјонтек.
Според неа тенискиот свет згрешил што не им забранил на тенисерите од Русија и од Белорусија да играат.
Таа во интервју за Би-Би-Си објаснила дека по Втората светска војна на учесниците од Германија и Јапонија одредено време им било забрането да играат.
„Ние сме спортисти, мал дел од светот, но спортот е многу важен и отсекогаш биле користени за пропаганда. Од почетокот тенисот мораше да им покаже на сите малку повеќе дека тенисерите се против војната. Тенисот не одеше така и сега би било сосема неправедно кон Русите и Белорусите да направат нешто такво, бидејќи таа одлука требаше да биде донесена пред една година“, вели Швјонтек.
