Познатата манекенка Адријана Лима го роди своето трето дете. Таа се породи на 29 август и ги изненади сите свои фанови, постирајќи ја на Инстаграм првата фотографија од синчето.
Адријана Лима доби син со филмскиот продуцент Андре Лемарс, а со српскиот познат кошаркар Марко Јариќ има две ќерки Сијена (9) и Валентина (12).
Таа сподели на својот Инстаграм профил фотографија од нејзиниот син со порака: „Ти го освои моето срце, мама те сака, Сајан“.
Потоа следуваше уште една објава на која се гледа само окото на нејзиниот син. Со фотографијата таа објаснува што значи името Сајан.
„Сајан е боја меѓу зелена и сина на видливиот спектар на светлина. Сајан е бојата на водата на Бора Бора и Малдивите, места на нашата семејна листа. Сајан е сега наша омилена боја…бојата на очите на нашето момченце. Добредојде во нашиот свет Сајане Лима Лемарс“, напиша Лима.
View this post on Instagram
