Џенифер Гарнер, по разводот со Бен Афлек, во 2019 година купила земјиштето на кое изградила куќа, како што вели, по нејзина мерка.
Секоја соба зборува за себе и е различно уредена. Таа открива за Архитектјурал дајџест, дека сака нејзиниот дом да изгледа малку старински, но и сепак релаксирачки и со шик елементи.
Гарнер е позната како глумица од А листата која внимава на својата приватност, како и на мирот и приватноста на нејзините три деца, но сепак, овојпат се одлучи да ги отвори вратите на домот и да покаже како го уредила, инвестирајќи во него осум милиони долари.
„Никогаш претходно не сум уредувала ништо и сум горда на резултатот. исполнета СУМ со благодарност секогаш кога влегувам во мојата куќа, што можам да живеам овде, среќна сум што поминувам време со моите деца во оваа средина. Ова не е типично за мене, но сепак сум многу среќна што можам да го споделам со вас“, Вели Џенифер.
Поради љубовта кон готвењето, Гарнер вели дека трпезаријата многу ја користат и таа и нејзините деца – иако не секогаш како место за собирање и јадење.
„Ја поставив вратата за трпезаријата да може да биде и сала за состаноци. И всушност, имам многу состаноци овде, работам од дома кога не сум на снимање“, објаснува актерката.
Со оглед на тоа дека семејството обожава да чита, Џенифер покрај домашната библиотека создала и неверојатна соба во стилот на Хари Потер под скалите, која нејзиниот син ја користи како „канцеларија“.
„Ова е мало место каде може да влезе и да сонува. Најмногу се крие од мене и јаде слатки, но не можам да го обвинам. И јас би го направила истото“, Вели Џенифер.
Инаку, за столаријата која се наоѓа во секоја соба избрала комбинација од посветло и потемно дрво, но не се оддалечила од дополнителна декорација. На пример, еден агол од домот, кој изгледа како мини-работна соба, има ѕидови обоени како ноќното небо со ѕвезди, додека просторот за читање и одмор, каде што се наоѓа нејзината библиотека, има шарени, мозаични прозорци.
Како Бора Чорба ја изненадил 28 години помладата сопруга: „Со денови ми се лутеше“
