Сузана Гавазова не е само мајстор за правење атмосфера на сцената, туку и вистински мајстор во кујната.
Фолк-пејачката тоа го докажа со својата последна објава на социјалните мрежи. Популарната пејачка уште еднаш покажа дека, покрај гламурозните и секси фустани и настапите, најмногу ужива во подготвување традиционални домашни јадења за своето семејство – сопругот Јасмин и ќерките Емили и Селена.
Гавазова сподели видео од својата кујна, на кое во преден план е тавче со вкусно подготвен ориз со пилешко, тазе извадено од рерна. Специјалитетот, кој е еден од омилените на македонските трпези, изгледа примамливо.
Додека го покажуваше својот кулинарски мајсторлук, во позадина се слушаа гласовите на легендарните Васка Илиева и Никола Бадев.
