Македонската пејачка Ивона Јовановиќ, која на јавноста ѝ е позната по сценското име Ивона Јо, викендов учествуваше на „Преспа ран“, а својот прв тркачки предизвик му го посвети на својот татко, кој почина минатата година.
Пејачката на социјалните мрежи сподели фотографии од настанот и откри дека зад настапот стоеле повеќемесечни подготовки, но и силна емотивна мотивација.
„Пробувам да напишам нешто, ама некако не ми оди. Фала ти Боже за силата, за упорноста водена од тебе, за целото спремање повеќе месеци, фала ти за секој миг на уживање што ми го подари дур траеше подготовката за мојата прва трка. Тато, ова беше за тебе, напиша Ивона по завршувањето на трката.
View this post on Instagram
Неколку дена подоцна таа објави уште една порака, во која откри дека дури по завршувањето на настанот дознала оти 21 јуни, денот кога се одржала трката, бил Денот на татковците.
„Денот на татковците бил на 21 јуни. И тоа го дознав веднаш после трката од една прекрасна жена. Денот кога се надминав себе и своите стравови. Покрај сите искушенија, ја поминав крајната линија. Слава Му на Бога.
После трката ми пристапија жени, девојки кои ми кажаа дека сум трчала и за нивните татковци.
Ќале, ова е за тебе. Те сакам! Никогаш заборавен мил мој“, напиша пејачката.
View this post on Instagram
