Пејачот Маринко Роквиќ почина на 6 ноември 2021 година, а по повод годишнината од неговата смрт, Славица Роквиќ се огласи на својот профил на Инстаграм.
„И ти дадов рака, и ти дадов збор во моментот кога заминуваше. Дека ќе ја чувам светлината, радоста и љубовта што ми ја остави. Не плачам повеќе кога ќе погледнам горе, само се насмевнувам, затоа што знам дека си таму каде што душите не болат. Кога подобро ќе размислам, ти и не си заминал – се криеш во зори и си одговор на секое мое прашање. Ти не си заминал, стана здив што низ соништата шепоти: „Тука сум, не стравувај, те чувам, ти знаеш“. Да, јас знам! Тоа е апсолутна љубов.“ стои во нејзината објава.
Славица беше покрај Маринко до последниот момент
Да потсетиме, Славица беше покрај Маринко Роквиќ до самиот крај. Како што тогаш наведуваа извори, таа се грижеше за него во нивниот семеен дом на Кошутњак, каде што тој и почина на 6 ноември 2021 година. Не сакал да оди во болница.
Во ноември 2020 година, пејачот итно беше опериран поради циста во стомакот, но тогаш лекарите откриле дека боледува од рак на панкреасот, со многу слаби прогнози за оздравување.
Роквиќ се борел и со тешка бактерија што ја добил за време на лекувањето, што дополнително го влошило неговото здравје.
View this post on Instagram
Маринко примал хемотерапии, кои во почетокот делувале, па постепено почнал да се враќа на секојдневните активности и се чувствувал подобро. За жал, не успеал да се врати на музиката и настапите, бидејќи неколку месеци по операцијата, додека сè уште траел закрепнувањето, било откриено дека има метастази на други органи, поради што морал да се подложи на нови, посилни хемотерапии.
Во тој период речиси воопшто не се појавувал во јавноста, а само двапати кратко се огласил во медиумите.
