Сузана Турунџиева на 9 мај наполни 55 години, а роденденската забава ја прослави заедно со ќерките Лора и Матеа, и неколку пријателки.
Прославата била во галерија, а темата на вечерта – Фрида Кало. Пријателките на Сузана ѝ подариле неколку подароци со Фрида Кало и торта со ликот на Фрида.
За оваа прилика, водителката и пејачка одбра бел фустан во комбинација со црвен горен дел.
Турунџиева објави и фотографија од домашната роденденска прослава, повторно во друштво на нејзините ќерки, зетот Филип и внукот Јаков.
„Љубовта е единственото нешто кое се множи кога се дели. Неизмерно сум благодарна за сите прекрасни луѓе кои го прават убав мојот живот и не ми дозволуваат да ги бројам годините, туку на моите години им (до)даваат живот, смисла, убавина“, напиша Турунџиева на Фејсбук.
