Сопругата на пејачот Дарко Илиевски, кој веќе неколку години живее и работи во САД, јавно му изјави љубов на социјалните мрежи.
Поводот беше роденденот на Дарко.
Дека семејната среќа му е на прво место, потврди и емотивната објава на социјалните мрежи.
Неговата сопруга, Ивана, сподели прекрасна семејна фотографија на која парот позира заедно со нивните две деца.
„Среќен роденден на човекот кој прави сè да биде возможно“, напиша Ивана под заедничката фотографија.
На фотографијата се гледа насмеаното семејство како ужива во сончевото време покрај базен, амбиент кој е карактеристичен за нивното секојдневие на Флорида. Дарко, кој беше еден од најмилените вокали на македонската поп-сцена, успешно се прилагоди на животот „преку барата“, но очигледно е дека најголемата инспирација и успех му се токму неговите најмили.
Иако е далеку од домашната естрада, Илиевски сè уште е актуелен кај македонската публика, која со интерес ги следи неговите приватни и професионални успеси во странство.
