Снеже Велков уште еднаш покажа зошто е синоним за здрава навика и позитивна енергија. На инстаграм, таа ги сподели своите утрински фитнес рутини, мотивирајќи ги своите следачи да го започнат денот активно, дури и кога времето надвор е облачно.
Лежејќи на јога-подлога во својот дом, Снеже ја демонстрираше вежбата „Dead bug“ (Мртов бумбар), за која тврди дека е дефинитивно една од најефикасните за зацврстување на абдоменот.
Зошто токму оваа вежба?
Според објавата на водителката, оваа вежба има неколку клучни придобивки кои ја прават идеална за секого:
Максимална активација: Ги активира буквално сите стомачни мускули.
Безбедност за ’рбетот: За разлика од класичните стомачни вежби, оваа позиција гарантира дека грбот нема да ве боли.
Едноставност: Може да се прави дома без специјална опрема.
„Направете по 20 повторувања со секоја нога, па повторете три серии“, советува Снеже во својот стил, а видееото е снимено во 7.30 наутро.
