Во семејството на македонскиот пејач Влатко Лозаноски – Лозано деновиве имаше убав повод за славење. Неговиот син Марко го прослави вториот роденден, а гордите родители му приредија весела детска забава.
Роденденското славење започнало во домашна атмосфера, каде што малиот Марко, облечен во пижами, ги дувнал свеќичките на својата торта.
Потоа Лозано и неговата сопруга Сава организирале прослава во игротека, каде што главна тема биле моторите, кои се меѓу омилените играчки на малиот славеник.
Роденденската торта и декорациите биле украсени со мотиви од мотори, а дополнително изненадување за Марко било појавувањето на маскота на суперхеројот Спајдермен.
За оваа пригода, двегодишното момче носело црна кожена јакна, па изгледало како вистински мал моторџија.
Интересно е што љубовта кон моторите Марко ја наследил од својот татко. Но, тоа не е единственото нешто што ги поврзува.
Судејќи според видеата што неговата мајка ги споделува на социјалните мрежи, Марко уште од најрана возраст покажува интерес и за музиката.
