Бројни спортски ѕвезди за Божиќ на социјалните мрежи објавуваат фотографии од своите домови, а Мик Шумахер со светот сподели фотографија која е прогласена за „најтажната фотографија од прославата на Божиќ“.
Синот на легендарниот возач на Формула 1, Михаел Шумахер, сподели фотографија на Инстаграм на која седи покрај новогодишна елка со својата мајка Корина и сестрата Џина-Марија.
View this post on Instagram
Многу обожаватели забележаа дека главата на семејството – неговиот татко Михаел – не е на фотографијата.
Да потсетиме, легендарниот возач на Формула 1 имаше трагична несреќа на скијање во француско одморалиште во декември 2013 година, по што речиси шест месеци беше во медицински индуцирана кома. Од 2014 година, кога беше префрлен во дом за рехабилитација, семејството Шумахер се повлече од јавноста за да ја заштити неговата приватност. И денеска не се знае во каква состојба е седумкратниот шампион во Формула 1.
