Вчеравечер се одржа свечената премиера на филмот „Свадба“ во Загреб, а сите сали биле распродадени до последното место. На премиерата се појави и пејачката Северина.
Таа привлече внимание со долг кожен капут, а во раката носеше луксузна чанта.
Чантата со која Северина го комплетираше својот стајлинг е од брендот Bottega Veneta, а нејзината цена изнесува 2800 евра.
Долгометражниот игран филм „Свадба“, во режија и сценарио на Игор Шерегија, раскажува приказна за успешен хрватски бизнисмен кој на својот роденден дознава дека е пред банкрот, додека истовремено открива дека неговата ќерка, која студира во Лондон, е бремена со син на српски министер. Ова отвора низ семејни, политички и општествени компликации. Преку хумор, сатира и емоција, филмот, како типичен балкански „анти-ром-ком“, зборува за семејството, идентитетот, лојалноста и љубовта.
Покрај Рене Биторајц, Драган Бјелогрлиќ, Линда Бегоња, Весна Тривалиќ, Анѓелка Стевиќ Жугиќ, Рок Сикавица, Ника Грбеља и Марко Грабеж, во филмот учествуваат и вистински глумачки легенди како Сека Саблиќ и Срђан „Жика“ Тодоровиќ, како и Снежана Синовчиќ Шишков, Дејан Аћимовиќ, а редица истакнати регионални и хрватски актери меѓу кои Горан Гргиќ, Јанко Поповиќ Волариќ, Денис Муриќ, Марко Миљковиќ и Невена Неранџиќ.
