Водителката Јована Стојменовиќ објави сексапилна слика од плажа, на која покажа дека одлично изгледа, не многу различно од времето кога беше активна како модел.
Јована, која е дел од екипата на Утринската програма „Ја сакам Македонија“ на ТВ Сител е една од нашите најнегувани жени во јавниот живот, а тоа го покажа и со фотографијата на една од грчките плажи. Мини црни бикини, ладно шише вино до неа и заводлива насмевка, Јована покажа дека навистина знае паметно да го користи слободното време.
Во една прилика, за „Слободен печат“, таа се отвори за љубовниот живот со партнерот со кој е во долга врска и живеат заедно.
„Она што искрено го почитувам е одлуката на еден пар да живее онака како што ним им одговара. Сите имаме некоја своја визија за партнерство и таа не треба да се темели на она што ќе го каже некој од страна, туку на она што човек го чувствува. Гаранции нема за ништо. А она што е сигурно е дека човекот има исконска потреба да сака и да биде сакан. И да, постои вечна љубов. Кој може да ви забрани да сакате некого засекогаш?“, рече водителката.
