Идентификувана е мистериозната жена со кафена коса со која беше виден Метју Пери само 24 часа пред неговата трагична смрт, а она што таа го раскажа за нивната средба растажи многумина затоа што рече дека актерот „бил одлично расположен за време на разговорот“.
Атина Крозби, 25-годишна манекенка и репортерка за шоубиз и забава, се огласи и откри дека таа е мистериозната бринета која била на ручек со Метју минатиот петок во хотелот Бел-Ер, откривајќи дека „имала чест лично да го познава Метју“ .
„Неговата смрт ме разори, но сметав дека е погрешно да се зборува за тоа јавно, бидејќи фокусот не треба да биде на мене, туку на него и неговото наследство, а тој беше исклучително повлечена личност и секогаш го почитував тоа во нашето пријателство. “, напиша таа на својот Инстаграм профил преку „стори“ објава.
Таа вели дека Метју бил во „исклучително добро расположение“ кога вечерале заедно, додавајќи дека „воодушевено разговарал со неа за работите што му се случуваат во животот. Беше толку среќен и жив“.
Иако некои шпекулираа дека оваа средба била романтична, Атина изјави за ТМЗ дека тоа не било романса и дека биле само пријатели, асе запознале преку заеднички пријател пред неколку месеци.
Таа, исто така, рече дека Метју бил многу позитивен за време на нивниот разговор и бил возбуден поради слабеењето и дека со нетрпение очекувал да оди на пиклебол во сабота. За жал, тој беше пронајден мртов во неговиот дом, откако со часови поминал на теренот играјќи пиклбол.
