Престижниот италијански фестивал Сан Ремо кој годинава се одржува по 73 пат ќе се одржи од 7 до 11 февруари во театарот „Аристон“.
Водител, како во претходните години ќе биде популарниот Амедео Умберто Рита Себастиани, а ќе го придружува и пејачот и актер Џани Моранди.
Групата „Манескин“, која победи на фестивалот „Санремо“ во 2021 година со песната „Zitti e buoni“, беше и претставник на Италија на Евровизија и и донесе победа на земјата. Годинава „Манескин“ ќе гостува на фестивалот каде што на своите обожователи ќе им подари изненадување – ќе претстави дел од песните од новиот албум.
Во сабота кога ќе се одржи и финалната вечер се очекува да се обрати и украинскиот претседател Володимир Зеленски преку видео врска. Зеленски изразил желба да пренесе порака за мир, а кога оваа вест се појави во италијанските медиуми предизвика многу реакции затоа што многу познати јавни личности во Италија јавно го искажаа својот став дека не се согласуваат во ова познато музичко шоу да се меша војната и политиката.
Сепак, организаторите на крај решија да му дадат простор и на Зеленски да ги испрати своите пораки до светот.
View this post on Instagram
