Во средата вечерта, руската водителка и инфлуенсерка Настја Ивлеева организираше приватна забава која се одржа во клубот Мутабор во Москва. Кодексот на облекување на настанот беше Речиси гол, а го поддржаа мнозинството гости.
View this post on Instagram
Во ВИП просторот на клубот се собраа ѕвезди од шоу бизнисот, познати блогери и други претставници на богатата руска општествена сцена. Меѓу нив: пејачката Лолита, пејачот Филип Киркоров, водителката и политичарка Ксенија Собчак, актерката и пејачка Наталија Јонова, актерот и пејач Дима Билан, блогерката и актерка Карина Нигаи, раперот Џиган и неговата партнерка, моделката Оксана Самоилова, новинарката Алена Водонаева, стилистот Викторија Салават, моделот Борис Махмуров, Александар Арутјунов, Гоша Карцев, блогерката Татјана Старикова, актерот Анар Калилов, водителот Алексеј Сухарев, стилистот Олег Горчанин, раперот Вацио, блогерот Саша Сулим и многу други. Сите овие, приватно, на своите сметки имаат „тешки“ пари.
Гостите на забавата дошле разголени но со суперскапи детали на себе. Пејачката Лолита облече ултра скапи чорапи и проѕирна јакна, Ксенија Собчак носеше тесен проѕирен фустан, а организаторката на вечерта Настија Ивлеева ги воодушеви гостите со главниот детал од нејзиниот имиџ – ѓердан со дијаманти и смарагди вреден 23 милиони рубли. Меѓу ѕвездите на вечерта беа и раперот Васио, кој носеше само чорап од Баленсијага, стилистот Гоша Карцев и дизајнерот Олег Горчанин во горен дел од штрас.
Скапи пијачки, танцување, дружење налик на голема оргија, перверзните фотографии ги обиколија социјалните мреже, а бројни корисници се прашуваа дали ова навистина се случува додека Русија е во воен конфликт со Украина и на фронтовите гинат војници, а непоштедени се и цивилни жртви.
Некои оваа журка ја нарекоа собир на „Содома и Гомора“.
