Пристигнувањето на ураганот Никол во Мар-а-Лаго во Палм Бич, Флорида, во четвртокот можеби ги прекина подготовките за свадбата на Тифани Трамп и Мајкл Булос, но церемонијата, која се одржа во 16:30 часот (по американско време) вчера (сабота) во клубот и приватната резиденција на поранешниот претседател Доналд Џ. Трамп, продолжи според планираното и покрај лошите временски услови неколку дена претходно.
Тони Брејс, либански планер за свадби и настани, познат по своите врвни продукции, беше ангажиран да ја реализира венчавката од соништата на парот.
29-годишната Трамп беше придружувана по патеката пред 250 гости од нејзиниот татко, г-дин Трамп. Невестата носеше фустан дизајниран од Ели Сааб.
Венчаницата всушност е инспирирана од грчка божица, а идејата на либанскиот дизајнер била да го претстави наследството на г-дин Булос. Да се потсетиме, станува збор за американско-либанска свадба.
Тифани Трамп и Мајкл Булос се запознале во 2018 година на одмор во Грција, во клубот Миконос на актерката Линдзи Лохан, пријателка на двете. Мајкл Булос, роден во 1997 година, е милионер со либанско потекло, син на магнатот Масад Булос. Од Тексас, каде што е роден, се преселил во Нигерија, каде што пораснал, а потоа студирал економија во Лондон. Официјалната веридба се случи во 2021 година, само еден ден пред заклетвата на Џо Бајден и збогувањето со Белата куќа на кланот Трамп.
Првите фотографии од свадбата ги објави Д Сан (погледнете ТУКА).
