Александра Пријовиќ ги шармираше сите синоќа со своето појавување на третиот концерт на Емина Јаховиќ во Белград.
Александра се дотера за концертот, па со оглед на тоа што беше многу ладно во главниот град, заедно со кафеаво кожно здолниште и беж ролка без ракави, таа носеше и луксузно кратко крзнено палто од визон. Сето ова го комбинираше со чевли со мала потпетица, како и кафеава чанта „Ботега Венета“.
Познато е дека Прија не штеди пари кога станува збор за скап накит и облека, па се прошета низ Сава центар во крзнено палто од визон од 10.000 евра, чанта од 3.000 евра, додека златниот накит беше од брендот „Картие“ – алка од 11.000 евра, прстен од 5.100 евра и прстен од 4.750 евра.
Сѐ на сѐ, Александра се појави на концертот на нејзината колешка во облека вредна дури 35.000 евра.
