Марија Шерифовиќ го наполни центарот на Кавадарци по нејзиниот настап на Тиквешки Гроздобер на 7 септември. Среќна и задоволна од настапот, пејачката објави слика од автомобил по настанот и напиша: „Кавадарци, ви благодарам“.
На друго видео каде што е снимана како пее пред полн плоштад, а Марија го сподели, стои: „Попис на населението во Македонија. Сите се тука“. .
Инаку, Марија Шерифовиќ 10 години беше дел од жирито на популарното натпреварување „Ѕвездите на Гранд“, и на почетокот од летово реши да се повлече од шоуто.
Пејачката во неколку наврати истакна дека станала дел од ова музичко натпреварување по убедување на Саша Поповиќ. По неговата смрт, таа одлучила да не биде дел од ова музичко натпреварување по цела деценија.
А еден детаљ од настапот на Шерифовиќ во Кавадарци е специфичен, поточно она што таа го направила пред настапот. Марија Шерифовиќ пред да излезе на сцената, се прекрсти, за успешен настап што кажува за нејзината вера и религиозност.
