Домот на Тамара Тодевска деновиве беше исполнет со детска смеа, музика и празнична магија. Нејзиниот син Дарен, кој пред неколку дена наполни седум години, го прослави роденденот со домашна забава во вистинска новогодишна атмосфера, а моментите од прославата пејачката ги сподели со своите следбеници на Инстаграм.
Роденденската забава беше уредена во зимски стил, со Дедо Мраз како главен гостин, снежна приказна и весели другарчиња кои уживаа во секој момент.
На видеата и фотографиите што ги објави пејачката, Дарен безгрижно се забавува со гостите, а во еден од највпечатливите моменти сите заедно ја пеат песната „Кога заоѓа сонцето“, додека Дедо Мраз им свири и ја дополнува магичната атмосфера.
Меѓу гостите беше и ќеркичката на Катарина Ивановска – Кира, со која Дарен позираше насмеан, а фотографијата дополнително ги разнежни следбениците на Тодевска.
Неколку дена претходно, пејачката јавно му го честиташе роденденот на својот син со торта, емотивно видео и порака полна љубов.
„Сине, среќен седми роденден. Од првиот здив знаев дека ти си моето срце надвор од мене. Со тебе љубовта доби ново значење, а секој ден е полн со светлина. Биди среќен и здрав. Нека светот ти ги отвори сите врвови.
Дарен, те сакаме бескрајно.
Мама, Хана и Лука“, напиша пејачката.
