Фолк-пејачката Даниела Темелковска која стана баба пред неполни три години, по долго време се појави во јавноста, на еден настан со посебен повод, а изгледа подобро од било кога.
Таа на снимањето на новогодишната емисија на „Мерак меана“ заигра заедно со Благица Павловска и со Сузана Гавазова и се гледа дека пејачката која има внука од синот Даниел се негува и вложува во својот изглед.
Во 2022 година во септември, Даниела Темелковска го ожени својот син Даниел кој е исто така музичар, а на својот фејсбук- профил на почетокот од јануари во 2023 таа се пофали дека доби внука и стана баба.
-Колку е убаво чувството кога првпат стануваш баба, а тоа чувство не се опишува само се доживува, нека ми е жива,здрава и среќна внуката Јана, а јас како баба секогаш ке ја милувам и посипувам со љубов од срце и од душа, а на моите деца им благодарам за најубавиот дар и Бог да ми ги чува!- објави фолкерката тогаш.
