Македонската пејачка Мартија Станојковиќ сподели фотографии од свадбена прослава, за која избра елегантен фустан во небесносина нијанса.
Дваесет и двегодишната пејачка носеше долга креација на дизајнерката Матеа Драгишиќ, со тенки прерамки и висок шлиц. Посебен детаљ на фустанот беа црвените везени апликации во долниот дел, кои внесоа контраст во едноставниот крој.
Мартија го надополни изданието со дискретен накит и високи потпетици во слична нијанса, додека косата ја носеше пуштена.
Фотографиите од прославата ги сподели на својот профил на Инстаграм, каде што следбениците ѝ упатија бројни комплименти за изгледот.
Станојковиќ во последниот период е активна и на музички план, а приватно, пред неколку месеци потврди дека завршила нејзината тригодишна врска со Матеј Казаков.
View this post on Instagram
