Маријана Новачевска од Австралија објави специјална приказна со внуката Ева, ќерката на нејзиниот син Филип и снаата Анастасиа.
Имено, близначките Маријана и Росана прославија роденден, секој во својот дом, Маријана во Мелбурн, а Росана во Скопје. Легендарните пејачки кои го испејаа евергринот „Признавам“ наполнија 61 година.
Маријана од нејзиниот дом во Мелбурн објави преслатка фотограграфија со внуката со роденденската торта и до неа напиша:
– Од срце и душата ви БЛАГОДАРАМ за вашите желби и честитки. Тортата страдаше и си замина во вечните ловишта. Да сте ми сите здрави, живи и насмеани – напиша духовито Маријана.
Во октомври годинава, емоциите ја совладаа Росана Сариќ-Тодоровска која на фестивалот „Макфест“ настапи без својата втора половина, Маријана Новачевска.
Дуото Маријана и Росана беше вистински бум на македонската естрада во 1980-тите и во 1990-тите, а нема кој не ги пее нивните хитови и денес. Близначките, иако се долги години разделени, се блиски и поврзани како кога живееја во иста земја.
