Филмскиот фестивал во Венеција беше домаќин на премиерата на еден од најочекуваните филмови на годината – филмот „Џокер: Лудило за двајца“ со Хоакин Феникс и Лејди Гага во главните улоги.
Тие вчера беа главни ѕвезди на црвениот тепих на филмскиот фестивал. Меѓу другите познати личности на премиерата беа и претседателката на жирито Изабел Хуперт, Ајрис Лоу и други.
View this post on Instagram
Друштво на Хоакин Феникс на премиерата не беше неговата сакана Руни Мара, туку неговата сестра Рајн, која ретко се појавува во јавноста, а Лејди Гага им позираше на фотографите со својот вереник Мајкл Полански.
„Џокер: Лудило за двајца“ е продолжение на супер популарниот филм „Џокер“, објавен во 2019 година.
Како и првиот дел, и продолжението го режираше Тод Филипс. Новиот филм раскажува како Артур Флек (Хоакин Феникс), додека е на задолжително лекување во душевна болница, ја запознава љубовта на неговиот живот – Харли Квин (Лејди Гага).
Неговата улога во првиот Џокер му донесе Оскар на Хоакин Феникс.
