Светската музичка ѕвезда Лејди Гага позирала за новото издание на „Вог“ во стилска инспирација од фотографијата на српската ѕвезда Јелена Карлеуша, на која таа пред речиси една година „доеше бебе“ во златна боја.
Карлеуша на својата фотографија има ореол на главата, мокра и пуштена коса, а комбинацијата на бели и златни тонови, дискретна шминка и нејзиниот извајан стомак дополнително ја истакнуваат нејзината харизма.
View this post on Instagram
За разлика од ЈК, Лејди Гага избрала контрастни црвени мотиви на црна позадина, додавајќи свој личен печат на инспирацијата.
Ова не е првпат пејачки од светската сцена да црпат инспирација од модните избори на Јелена Карлеуша. Колешките од естрадата исто така го сториле тоа, а на списокот неодамна се најде и Наташа Беквалац, која од глава до пети целосно ја имитираше стилската појава на Карлеуша.
Оваа ситуација покажува колку модниот израз на Карлеуша станал препознатлив и влијателен, не само на српската, туку и на светската сцена.
