Кралицата Камила го слави својот 77 роденден. Официјалната честитка се појави на страницата на британското кралско семејство на Инстаграм.
„Ѝ посакуваме среќен роденден на нејзиното височество кралицата Камила“, изјавија претставниците на кралското семејство.
На фотографијата Камила носи летен фустан со цветен принт.
![](https://espreso.mk/wp-content/uploads/2024/07/kamila.jpeg)
Потоа, на Инстаграм страницата на кралското семејство се појави фотографија од роденденската прослава на сопругата на кралот Чарлс III.
„Роденденските прослави почнаа вчера рано во Гернзи..“, истакнаа претставниците на славеничката.
Инаку, Камила и Чарлс се на обиколка на островите Џерси и Гернзи. Токму тука кралицата го прослави својот 77-ми роденден.
![](https://espreso.mk/wp-content/uploads/2024/07/kamila-2.webp)
Камила официјално стана кралица на Велика Британија на 6 мај 2023 година. Таа и Чарлс беа крунисани во Вестминстерската опатија по смртта на кралицата Елизабета Втора во септември 2022 година.
Кралскиот пар се венчаше во 2005 година, иако нивната врска беше позната многу пред тоа. Дури и за време на бракот на Чарлс со принцезата Дијана, се зборуваше за аферата на синот на кралицата Елизабета Втора со Камила Паркер.
Двојката нема заеднички деца. Од бракот со Ендрју Паркер-Боулс, Камила ги има синот Том и ќерката Лора, додека принцезата Дијана ги роди синовите на Чарлс, Хари и Вилијам.