И покрај нивните често спротивставени ставови, парот живееше во љубов, а Акие Абе не ја криеше од јавноста својата љубов. Тие често се држеа за раце кога излегуваа од авиони на нивните официјални патувања во странство, а јавно прикажување на наклонетост ретко е забележано во јапонските политички кругови.
View this post on Instagram
Кога Акие Мацузаки се омажи за Шинзо Абе, тогаш политички соработник во подем, таа го следеше патот што го отворија Јапонките и ја напушти работата во најголемата рекламна агенција во земјата.
За време на повеќе од три децении брак, вклучително и девет години како прва дама на Јапонија, таа докажа дека е сè освен сопруга на конвенционален политичар.
Акие Абе е најпозната во Јапонија по нејзините отворени и прогресивни ставови. За разлика од нејзините претходнички, таа одби да остане во сенка на својот сопруг. Наместо тоа, Акие си одработи јавна улога за себе во стил кој е повеќе сличен на американските први дами.
Акие Абе (60) остана вдовица во петокот откако нејзиниот сопруг Шинзо Абе, поранешен премиер на Јапонија, беше застрелан среде бел ден за време на говор во градот Нара, во атентат што ја шокираше и ја налути нацијата.
Во петокот тргнала на патување со воз од неколку часа за да биде покрај сопругот во болницата во Нара. Следниот ден, таа го однела неговото тело дома во Токио со автомобил. Во понеделникот таа тагуваше со роднините и пријателите на приватно бдеење во храмот. Низ сето тоа, Акие Абе остана присебна и тивка кога се појавуваше во јавноста. Во вторникот таа одржа приватен погреб, по што следеа големите церемонии.
Откако нејзиниот сопруг поднесе оставка како премиер во декември 2020 година, Акие исчезна од очите на јавноста. Сега таа повторно е во центарот на вниманието, а очите на јавноста ќе бидат во неа додека тагува за смртта на поранешниот лидер на земјата.
„Домашната опозициска партија“ на Абе
„Акие Абе, како прва дама, не беше како нејзините претходнички “, рече Тобијас Харис, експерт за Азија во Центарот за американски напредок.
Нејзината поддршка за прогресивни каузи, слободни начини и весела самодоверба ја воодушеви јапонската јавност.
Од јапонските медиуми, Акие Абе го доби прекарот „домашна опозициска партија“ на Шинзо Абе.
Со наклонетост да го каже своето мислење, таа отворено предизвика низа политики на нејзиниот сопруг, од неговиот притисок за нуклеарна енергија до трговскиот договор на Транспацифичкото партнерство. Во 2016 година, таа се сретна со демонстрантите во Окинава кои се спротивставија на проширувањето на базата на американскиот маринци поддржана од Шинзо Абе.
– Сакав да собирам и проследувам ставови кои не допираат до мојот сопруг или неговиот круг. Тоа е малку како опозициска партија, претпоставувам“, изјави таа своевремено за Блумберг во 2016 година.
Акие е гласен поддржувач на правата на ЛГБТК и се приклучи на геј парадата во Токио во 2014 година. Таа, исто така, ја поддржуваше употребата на медицинска марихуана и позираше на поле со марихуана во 2015 година.
И покрај нивните често спротивставени ставови, парот живееше во љубов, а Акие Абе не се срамеше јавноста да знае за тоа. Тие често се држеа за рака кога излегуваа од авион на нивните официјални патувања во странство – јавно прикажување на наклонетост што ретко се гледа во јапонските политички кругови.
Активна на социјалните мрежи, споделувала моменти од животот со Абе
Шинзо Абе често се појавуваше на фотографиите кои неговата сопруга ги објавуваше на својот Инстаграм профил, насмеан покрај неа на настани или на прошетки, гушкајќи го нивното куче на каучот, читајќи весник во автомобилот.
На 30-годишнината од бракот, Акие Абе објави фотографија на која носат кимона. На 32-годишнината таа објави фотографија на која слават со торта од вишни и вино.
Таа е првата сопруга на јапонски премиер која активно ги користеше социјалните мрежи, особено Фејсбук и Инстаграм, споделувајќи ги моментите од нејзиниот живот со десетици илјади следбеници.
View this post on Instagram
Таа го запознала Шинзо Абе кога имала 22 години, а тој бил седум години постар од неа и работел како политички асистент. Се забавувале повеќе од две години пред да се венчаат во 1987 година.
Немаа деца. Акие Абе за јапонските медиуми изјави дека барале третман за неплодност во првите денови од нивниот брак, но безуспешно. Во текот на 1990-тите, таа работеше како радио диџеј, а откако нејзиниот сопруг поднесе оставка од првата премиерска функција во 2007 година, таа смислила план да отвори паб „Изакаја“.
View this post on Instagram
– Кога Шинзо Абе сакаше да се врати на лидерската позиција во 2012 година, токму во исто време таа беше зафатена со подготовките за отворање на ресторан. Ова е нешто што сакаше да го направи некое време, а мислеше дека е вистинско време откако Абе го напушти мандатот на премиерот во 2007 година, и конечно доби шанса да го направи тоа, рече Харис, автор на книгата „Иконоборец: Шинзо Абе и новата Јапонија“.
Според Харис, таа го натерала да признае дека сепак ќе може да го започне својот бизнис, таа продолжила со тоа и навистина станувало збор за многу убав ресторан.
„Izakaya UZU“ беше отворена во 2012 година во областа Канда во Токио, неколку месеци пред Шинзо да го започне својот втор мандат како премиер. Таа дури и одгледувала свој органски ориз, на ливада лоцирана во префектурата на нејзиниот сопруг и го сервирала во нејзиниот ресторан.
Во годините пред да се врати како прва дама, Акие Абе се вратила на колеџ и магистрирала на студии за социјален дизајн на Универзитетот Рикио.
– Тоа беше период на неуспех и тешкотии за нас како двојка. По некое време, тој реши повторно да се фокусира на својата политичка кариера. Чувствував дека морам да започнам сопствен живот“, изјави таа за „Вол Стрит Журнал“ во 2013 година.
Се обидела да биде „своја личност“ за време на политичката кариера на нејзиниот сопруг, а не само сопруга на политичар што Јапонија очекувала од неа – да ги прави работите што ги прават жените на политичарите.
View this post on Instagram
View this post on Instagram
View this post on Instagram
