Славата си носи и неволји, во случајот на српската глумица Анѓелка Прпиќ, кај нас позната преку хит телевизиската серија „Андрија и Анѓелка“ е тоа што во последно време фановите, но и медиумите, не ја оставаат на мир сакајќи што повеќе детали да дознаат за нејзината нова врска, за минатиот брак и за наводната бременост.
Со оглед на тоа што оваа убава актерка, која бележи големи успеси во кариерата, досега не била дел од скандал, фактот што ја поврзуваат со најдобриот пријател на нејзиниот поранешен сопруг, и кум, ги шокираше сите.
Станува збор за извесен Марко, а судејќи по видеото од свадбата на Анѓелка и Дарио (нејзиниот поранешен сопруг) , господинот со кој сега се забавува актерката (која е наводно бремена од Марко) бил и еден од најсреќните гости.
Дарио и Анѓелка ставија точка на својата љубов во 2020 година, кога следуваше и разводот. Од тој момент многу малку се знаеше за приватниот живот на актерката, се до веста за нејзината романса со Марко.
Двајцата, како што вели добро упатен извор за српски Блиц, среќната вест им ја соопштиле на своите најблиски, но сепак сакале да ја држат својата врска подалеку од очите на јавноста.
„Среќната вест им ја соопштија на пријателите и семејството и не кријат дека се лудо вљубени. Но мислеа дека ќе остане само во кругот на најблиските. Колку (Марко) ја сака, најдобро говори тоа што ја остави долгогодишната партнерка заради актерката. Оваа приказна Анѓелка не ја криела ниту од своите најблиски роднини, но се трудела да не ја објави во јавноста“, изјавил за Блиц добро упатен извор.
Од друга страна пак, за српски Курир зборуваше многу блиско лице на Дарио, кое истакна дека од него кријат се, и дека не може да поверува што се случува.
„Дарио немаше поим дека Анѓелка ќе влезе во врска со човек со кој беа најдобри пријатели со години. Марко со години доаѓа кај нив дома. Не можел ни да помисли дека освен пријателство, може да има нешто повеќе со поранешната сопруга Анѓелка“, пренесува Курир.
Дарио Прпиќ првично се осврна на целата оваа ситуација со само една реченица: „Слушнав, но навистина не сакам да коментирам“, а потоа се пошегува:
„Им посакувам многу среќа, ако се венчаат можам да им бидам кум! Дури и ако Марко сака да го земе моето презимето, немам ништо против“, изјави Дарио за Курир.
View this post on Instagram
Кој е позгоден, Марко или Дарио?
