Ким Кардашијан и Луис Хамилтон повторно го привлекоа вниманието на јавноста, овојпат на плажите во Малибу, каде беа уловени како разменуваат нежности и постојано се во близок контакт додека уживаа во морето.
Според пишувањата на Дејли мејл, парот најпрво се прошетал покрај брегот, а потоа влегол во океанот за да се освежи со педлборд. Нивното однесување делувало опуштено и природно, без обид да ја сокријат блискоста.
Во еден момент, Хамилтон ја прегрнал Кардашијан, а таа му возвратила со насмевка, очигледно уживајќи во вниманието. Таа носела бикини со црно нуркачко одело спуштено до половината, додека тој бил во лежерна комбинација од шорцеви и маица.
Иако со години биле пријатели, нивната врска стана јавна во февруари, кога заедно се појавија на Супербол. Оттогаш неколкупати се видени заедно, меѓу кои и на фестивалот Коачела, каде пристигнале држејќи се за раце на настап на Џастин Бибер. Таму им се придружила и ќерката на Ким, Норт Вест.
Медиумите објавија и дека Кардашијан неодамна поминала илјадници километри за кратка посета кај Хамилтон, патувајќи со приватен авион до Лондон за да мине само еден ден со него во неговиот дом во Кенсингтон.
Според „Сан“, ваквите патувања се обид да ја одржат врската и покрај густите професионални распореди.
Хамилтон е првиот посериозен партнер на Кардашијан по нејзината врска со Пит Дејвидсон. Иако нивното пријателство трае повеќе од една деценија, љубовната приказна започнала неодамна, по заеднички патувања низ Европа.
