Водителката на утринската програма на ТВ „Пинк“, Јована Јеремиќ, минатата сабота во студиото на гости ѝ беше новиот емотивен партнер, боксерот Милош Стојановиќ, познат како Тигар. Иако емисијата ја водеше професионално и со него направи детално интервју за неговиот живот и кариера, нивните чувства не останаа скриени од јавноста.
Екипата на емисијата „Папарацо лов“ забележа моменти непосредно пред неговото гостување, кои открија многу повеќе од очекуваното. На снимките јасно се гледа како Јована и нејзиниот нов избраник разменуваат нежности, се држат за рака, а во еден момент паднал и бакнеж, уверени дека никој не ги набљудува. Овие „жешки“ кадри ги објави и порталот „Пинк.рс“.
View this post on Instagram
Иако за време на самото гостување пред камерите успешно се контролираа и се трудеа да не ја покажат хемијата меѓу нив, зад сцената емоциите сепак надвладеале.
По гостувањето, Јована Јеремиќ ја даде својата прва изјава за „Република“, откривајќи како се чувствувала додека го интервјуирала.
– Тој е врвен боксер, спој на духовното, материјалното и емотивното. Светски човек во секоја смисла, многу дисциплиниран – како и јас, интелигентен и духовен спортист. Обично кога некој е спортист, постои и силна морална страна, но јас избегнувам да ги нарекувам само спортисти. Сакам сериозни мажи, а тој е токму таков – маж кој ги исполнува сите критериуми – истакна Јована.
Таа додаде и дека неговиот животен пат бил исклучително тежок:
– Целиот негов живот е борба. Убиство, загуба на таткото, личната борба да го зачува и надгради она што го наследил од него, постојано да се издигнува себеси. Дванаесет години поминал во Холивуд и поминал низ сè. Како и јас, и тој многу млад морал да стане столб на семејството – искрено откри Јеремиќ.
