Маријана Новачевска од Австралија објави ретки семејни слики од божиќен појадок со нејзините најмили.
Маријана, едната половина од дуото „Маријана и Росана“ повеќе од 30 години живее во Мелбурн, а сликите кои ги објави од божиќниот појадок се со ќерката Магдалена, снаата Анастасија која е сопруга на синот Филип, и со нивната ќерка Ева. Претходно, таа објави слики и со синот и партнерот на ќерката.
Неодамна, близначките Маријана и Росана прославија роденден, секој во својот дом, Маријана во Мелбурн, а Росана во Скопје. Легендарните пејачки кои го испејаа евергринот „Признавам“ наполнија 61 година.
Маријана од нејзиниот дом во Мелбурн објави преслатка фотограграфија со внуката со роденденската торта и до неа напиша:
–Од срце и душата ви БЛАГОДАРАМ за вашите желби и честитки. Тортата страдаше и си замина во вечните ловишта. Да сте ми сите здрави, живи и насмеани-напиша духовито Маријана.
