Јелена Карлеуша повторно се нафрли на колешката од Хрватска и ѝ порача на Северина „да престане да шири омраза“.
Во бројните стории и преписки на Инстаграм адресирани од познатите личности кон пејачката Северина (поради тоа што била приведена на сослушување на српската граница, а таа револтирана за чинот се вратила во Хрватска), повторно се вмеша и Јелена Карлеуша која е инаку позната по остриот јазик.
Карлеуша на својот инстаграм-профил ѝ се нафрли на Северина, ѝ порача да не „шири омраза“, а во се ја вмеша и Јелена Розга, исто така хрватска пејачка.
„Никогаш не дозволувајте на јавна личност да шири омраза, шовинизам и фашизам. Сигурно мака ја натерала толку многу да ја мрази Србија и да објавува ваки работи, а потоа без образ и без чест доаѓа на граница и не ѝ е јасен третманот. Што очекуваше? Мене ми е искрено жал, омразата е голем товар. Слушнав дека деноноќно објавува навреди на моја сметка, но ѝ простувам. И на неа и на сите, бидејќи оваа омраза е ирационална и само нивен проблем“, напиша меѓу другото Карлеуша.
Ова го напиша откако објави принтскрин од инстаграм-објава на Северина, а на која пишува: „Северина се сака од повеќе причини, меѓу другото ги *бе овие наши г*мна, ги *бе овие српски го*на“.
Потоа, Карлеуша објави уште еден инстаграм-пост.
„Не ми ги испраќајте инстаграм-објавите на Северина зашто таа болна омраза ми е одамна блокирана и не можам и не сакам да ја видам“, напиша Карлеуша и нагласи дека „ѝ е жал за Северина“.
„Нека се угледа на Јелена Розга, која е голема дама, ѕвезда и човек“ – заклучи Карлеуша.
